....(( ما همني زماني ولو كشر أنيابه )).....

....(( ما همني
زماني ولو كشر أنيابه )).....

بقلم : .
O.o°•أسيل •°o.O

تعبت اعاند خافقي
واقول ما ابيك .. وانت عيوني غصب ساكن
نظرها .. واصارع اشواقي اذا حل
طاريك .. واكذب على الجلاس واكتم خاطرها .. واقول ما اعرفك وانا ميت فيك .. والنفس كن الي طراك طعنها ..
يا حياتي منهو بزينه
يجاريك .. كل الحسان نجوم وانت
قمرها ..

إهــــداء

هــدوء
العاصفـــة

لكــ :

كـل السـنوات التي
جمعتـنـا ..

تسـطـرهــا حــروف
صــداقتـنا ..

وبـســمات نــرسلهـا
في سـمائـنا ..

- رقة ابتسامة ..

لكــ :

لكـ انـــتي بــاقـــــة
ورد ..

سيطغى رحيقها
روعه قلب ..

لا تـــرد
عــــمــــن طــــلـــبـــ ..

ولـــكـــــل :

لكل من أبصر همسي
بين طيات قصصه ..

لكل من من علي
بفضل ردوده ..

ولكل من بدر منه
ابتسامة رضا بتشجيعه ..

((
................................ ))

موتــ

ان تجد الخيال
يعانق الوااقع ..

حسرة

من علموا ولم
يعملوا ..

اختناق

ان ترى احبابك
تهوي بهم ريح اليأس

ألم

ان ترى المستقبل
ولا تدري ماذا تفعل

إنها البدااية
فقطـــــ ..

((
........................................ ))

`·.¸¸.·´´¯`··._.· ((الــــحلقة
( 1) الاولى)) `·.¸¸.·´´¯`··._.·

شنو يكون شعوورك
ونت تطالع بعيوونك أقرب أحبابك يأذيك ؟؟

ما كان لي إجابه
لسؤالي لأني ذقت واقع حياتي المر .. واللي ما انتهيت منه ..

فجيت اعيوني أكثر
ونا أطالعهم ..عانيت ونا أطالعهم بكل احـتـقـــاااااار واقفين جنب بعض .. وااحد
منهم كاان لي لكن الثاني سلبه مني .. حسيت بالشرر باادي يطلع من عيووني وأنه
هاليووم موليه ما يعدي على خــيـــــــر ...

صرخت عليهم بكل
قوة .. وعيوني تحمل معاااني الكراااهيه .. العتب .. اليأس .. الصدمه .. طالعتهم
وصرخه ألم ذاايبه بعيوووني .. كرهوني بهالحياه .. : أكرهكم ...... أكرهكم ...

يلعن اليوم اللي
تزوجتو فيه .. أكرهكم .. أكرهكم .....

فتحت المجاال
لعبرااتي تنهل ونا أطالعهم .. طاحت عيني بعيوونه .. كاان قريب مني .. فامتتدت
كلاماتي الجارحه له .. تلومه لكل شي صااار .. لكل شي صاااير بحيااتي .. لكل شي
يصير جدااااااام اعيوني. :

شنو اجرمنا
بحياتنا تعاملنا جذي ؟؟ شنو ؟؟

شنو سوينا لك ؟؟

شنو سوت
أمااااايه فيك ؟؟

أكرهك .. ماعاد
ابي اجوفك بحيااااااااااااتي .. دام اني خسرت اماااايه لا تتوقع مني ويه ..

وانهرت اصيح بحضن
أخـــــــــــــــــووي .. سبيلي الوحيد لأطلع احسااااسي .. فقدت أمااايه وفقدت
بهذا كل إحسااااس مر وحلو ..

صديت الصووب
الثااني وطالعتها والقهر يعصرني ..

وعفدت عليها بكل
كل كلمه جااااااااااارحه ..

للشخص اللي قتل
أمي ..

للشخص المتمثل جداامي

للشخص اللي ما بساامحه أبدا بحيااااااااااتي ..

للشخص اللي ذكرى
خيااااله المره ما بتفارجني

للشخص اللي
واااااااقف ينب ظل أبوي ... :

خسرت
أمااااااااااايه ..

خسرت أمي .. امي
.. أمي ..

كله بسببج .. بسببج
.. ما كااافي خسرت أبووي .. خسرتيني بعدها
بأمي .. انتي شنو تبين منا ؟؟ شو ؟؟

محد غيرج انتي
وأبوي قتلها .. أكرهكم .. طلعو من حياااااااتي .. ودرووونا ..

رديت أطالع للي
واااقف ينبها .. وصرخة ألم معتصرة بــعــيــووني .. صرخة تنتظر الدور لتطلع ... :

دمرتني أبووووي ..
دمرت أمااايه ودمرتني .. خسرت أماايه وخسرتني بخساارتها ...

وانهرت ببقعتي
أصيح .. بعد ما طالعت عيونهم الذبلانه .. بعد ما طالعت الحقيقة بعيونهم .. خسرت
أمايه .. وهذي هي الحقيقة المرة اللي ما بتفارجني بسيرتي .. مالي سبيل غير اني
اندب حظي بهذي الحياااة ..

بهااي الدنياااا
اللي ما تسواااا .. وينج أمااايه ؟؟ .. وينج ؟؟

أماااااااااااااايه
.. ببكيج .. وينج يالغالية ؟؟ ..

لا تخليني بروووووووحي
شرااااات ما هدنا ابووي .. لا تخليني برووحي ..

أحتاجلج أمي .. ابي
حضنج .. أبي حنااانج .. يما تكفين رجعيلي ..

لا تهديني .. ماقدر
بدوووونج .. رديلي أمااايه ..

أمي ؟؟............

أمي ؟؟
..........

ماماتيه ؟؟ .. دخيلج
..

لا تهدينا .. لا
تموتين .. : جذابين ما ماتت .. امايه ما بتخليني ..

مشاري والدمعة
محبوسة بعيوونه : ميس تكفين .. ارجووووووج ..

بغيت اسمع
موااساه .. لكن الدمووووع الصااامته القاتله كانت سيدة الموقف : فكني .. فكني .. محد
غيركم قتلها ..

عفدت صوووووووووب
الباااااااب اركض .. ونا امسح دموووووووعي المنهله .. فريت كل شي جدااامي .. رميت
كل شي ورااااااااي .. ما عدت أبا أكمل حياااتي مع ناااااااس أذوووني .. مع
ناااااااس ما توقعت منهم اللي يصير .. مع ناااااس ما عاااااد أبي أسمع عنهم شي .. رميت
كل شي ورااي .. وسديت اذني عن كل صووت يترجاااااااااني ........

مشاري : ميس لا
تتهورين .. ميس .. ؟؟.. ميس ؟؟

ميس ؟؟

ميس ؟؟

ميس ؟؟

ميس ؟؟

ميس .. ميس .. ميس

أمي : ميس .. ميس
؟؟

امايه : مــــــــيــــــســــــــوووووو
نشـــــــــــــــــــــــــــــــــــــي ..

أمااايه : ميس ؟؟
ميس .. نــــــــــشــــــــي من الرقـــــــــــاااااااااااااااااااااااااااااااااااااد
..

شهقت
بخوووووووووووووف : اااااااااااااااااااااااااااااااااااااااااااء .. هاه ... هاه ...
هاه ... هاه ... هاه ... أمي ؟؟ .. وينها
أماايه ؟؟ ...

صحيت متروووعه من الحلم اللي ذقته .. والعرق
يتصبب من ويهي .. استندت عالشبريه مترووووعه
.. مو داارية بحوليني ..

.. بسم الله
الرحمن الرحيم .. أعوذ بالله من الشيطااان الرجيم .. استندت عالسرير .. وغشاااوه
من الدمع غطت اعيووووووني .. امي .. امي .. أمااايه حيه ؟؟ شو صاير ؟؟ ...

ااااااااااااااااااااااااااااااااااه
.. أعوذ بالله من الشيطاااااان الرجيم .. سمي ميس سمي .. مجرد حلم .. اماااااايه
بخير وعافيه .. لا يكووووووون صار لها شي ؟؟ ..

مسحت دموعي بقهر بظهر
يدي .. معقوله ذقت لحظاااات فقدت فيها أمااااايه ؟؟ ما أتخيل .. اووووو امايه
بتكسر الباااب فوق راااسي ..

ربعت بسرعه صوب
بااااااااب الحجرة اللي بينكسر بعد اشويه على يدين اماااااااااااايه ..

أمي
تزاااااااااااااعج : ميس ؟؟ ميس ... ميييييييييييس ؟؟ ميس ؟؟

فتحت
البااااااااااااب ولويت عليها .. اشتقت لحضنها .. بسم الله عليج .. بعيد الشر عنج
امااااااايه

أمي : بسم الله
من وين طلعتي ؟؟ روعتيييييييييني

طنشت كلامها ورصيت
عليها أكثر .. ما أتخيل يصير شي بأماااااايه ..

ضحكت : كل ها
غلاي ؟؟ كل ها حضن ههههه ؟؟ .. اشوي اشوي علي

امواااااااااااااااااااح
: أحلى بوووووووووسه لأحلى أم ..

أمي : انتي شو
فيج اليووووووم ؟؟ فكيني ..

فكيتها ونا اضحك :
مشتاااقه احضنج ..

أمي : شو شاربه
ابا أعرف اليوووم ؟؟ ساااعتين أحااااااتيج تفتحين الباااب .. وتطلعيلي شراااااات
العفريت ..

ضحكت عتعليقها
... : شاربه ريدبول

امي تهز رااسها :
وشنو بعد هذا ريدووول ؟؟

ضحكتني : ههه
ريدبول .. مب ريدووول .. ها مشرووووووب

أمي : عافانا
الله من الصبح فلسفه .. يلا .. خلي عنج السواااااااااالف .. يلا .. مدرسه

ونا داخله الحجره
: ان شاء الله ..

أمي : يلا ما
فينا تتأخرين .. الباص بيروح عنج

قلتها : زين يما
.. زين

ااااااااااااااااااااااه
..

وراحت أمي عني .. فريت زلاغي بعيد عني .. ااااااااااااااااااااااااااااااه ..
معقوووووله كنت متخيله ابوووي هو اللي قتل امي بالحلم ؟؟ .. لا ميس سمي بالله .. أبوووووووج
يمووووووووووت بأمج .. مستحيل يسويها .. طالعت عمري بالمنظره ..

ااااه دمممممموعي
هيه الوحيده الشي المعقوول في الحلم ههههههههه روعني هالحلم على اماااااااايه اللي
نسيت شو صااار حتى فيه ..

ميس شوصابج ؟؟ .............

.. ها مجرد حلم ..
مجرد أضغاااث أحلام .. أخر مره أنااام ما اقرا قرااان .. ما فيني اتروووع كل
يوووووووم على حلم .. أكرهكم .. منو ؟؟ ..

اللي أتذكره
أبوووي وشخص معه .. منو بعد ,, ميس انتي بديتي أكيد تخرفي .. لشنو انتي مهتمه
بهالشي ؟؟ امج بخييييييييير وعاااااااااافيه .. وهالشي المهم .. والأهم ..

برررررررررررررررررررررررررر
.. برد برد .. منو زاد المكيف جذي ؟؟ .. ما فيني تييني نوبة الربووو مررره ثاانيه
..

أصبحنا وأصبح الملك لله .. ياربي هالكلب ما يسكت
عن اللعيان .. والله هالجيراان ما يراعو .. يعله الخرس ان شااء الله .. استغفر
الله من الصباح أدعي .. وعلى منو ؟؟ على كلب هههههههههههههههههههههه.. يلا بجهر
عمري بسرعه .. أحس عمري بعدني متروعه .. وتحت تأثير الصدمه .. شنو رايكم أغير
الوضوع اشويه ؟؟ شو رأيكم أعرفكم بنفسي ؟؟
.. اممممممممممممممممممممم .. ولا أقول .. لا تصدقووون ..

بعد فاااضية اشرح لكم نفسيتي من الصبح .. أحسن
أخليكم تتعرفون علي بروووحكم .. في قصة حياااااتي تراها مب طويلة .. بس أنا حاااظرة لأي ملاحظة ..

هع ههع ما لايق
اني أكووون محللة شخصية .. جفت عالسااعه .. ما شي وقت حق السوالف .. يلا ميس خلي
عنج الكسل .. يلا يالدبه ..

........

فتحت الستااره ..
ليدخل النوور اشويه عالمكااااااااااااان .. الجو فظيع .. حااااااااسه بصدااااااااع
..

أكيد أجوف أمي
بالحلم اتموووووووووووت .. ها شي ثقيل علي ..

اوووووووووف ميس ..
حبيتي .. الغااليه .. ها مجرد حلم .. فسكري الموضووووووع لو سمحتي .. شو أسوي .. ؟؟

اتخيلو لو كنتو
مكااااني .. وين زلاغي ؟؟ .. وين فريته ؟؟ .. شو انا اليوووم جني فقدت عقلي وخرفت
مره وحده ؟؟ ..

كله ها من حلم ..
اي حلم .. ها كاااابوووس .. هيه انا أمس نااسيه اقرا المعوذاات ونا أنااااااام ..

طالعت الدنيا
براااا الشبااااااك .. انا هبله لو يفوتني هالجو ..

سمعت صوت من
براااااااااااا الداار : ميس رديتي تناااااااااااااااااامي ؟؟

هاي امااايه .. ما
بترتااح الا إذا طلعت ارقص بنشاااط قدااامها : لاء

ما سمعت ردها .. يا
ربي وين فريت زلاغي ؟؟ .. طالعت تحت السرير .. ماشي .. فوووق الطاااولة .. لا أثر ..
لحظه .. لحظه .. أجوووف السااااااااعه .. وويييييييي .. إذا كملت
سوااااااااااااالف بروووح عني البااص وتبدي مذلة أخوووووووي .. خلوووني
اسررررررررررررررررع ...

دخلت
الحمااااااااااااااام بركض .. حشى جني بسباااااااااااااق ..

اتسبحت .. ولبست
لبسي وعدلت عمري .. عاااااااااااااد مهوووب لازم بعد أقوووووول بشو تعدلت .. ما من
زين اللبس .. تراااه لبس مدرسه .. بعدل الشيله اشويه .. هاااي شعره طااالعه ..

طالعت المراية
اللي تعكس صورتي .. كنظره أخيره .. اتأكد لو شي ما متعدل .. واثقه كل شي
تمااااااااااااااام اووووف أكره نفسي لما أجوفها بالمراية .. كل بنت صديقتها
المراية .. إلا أنا .. المراية عدوتي اللي تفضح حقيقة جسمي ..

تنهدت .. اييييييه
مب فاااضيه لويهي وجسمي احينا .. يلا قوومي نزلي ..

طالعت موبايلي .. ما فيه جرج كثير .. بجرجه بعد
ما ارد من المدرسة .. بطني يصول .. بنزل ما فينا على حشرة أمي .. اسمعها
تزاااااااااااااااااعج بالممر .. فديتج والله امي ..

شليت جنطتي ونزلت
تحت ونا ارااكض .. اونه سباااق بيني انا ومشاااري .. من ييلس في الكرسي الكبير قبل
.. خخخخ جنا يهاااال .. ان شااء الله ما أطيح .. قابلت أمي .. بست راسها ..

قلتها بفرح : صباح
الخير يما ..

أمي بابتسامة
الصباااح : صباح النور .. يلا تعالي تريقي
..

قلتلها : يعل
عيني دوووم تجوووف هالابتسااامة

أمايه : تسلم
عيووونج .. يلا تعالي كلي قبل لا يبرد الريوووق

هزيت راسي .. ما
جفته أخوي وينه .. يمكن طلع قبلي .. زين بعد .. ما فينا مغااايض من الصبح ..

سمعنا صوته العميق
من وراااااااااي : صبااااااااح الخير ..

حشى .. مسرع ما
ظهر من طريته ....

ردينا أنا وأمايه
: صبااااااااااااح النور

طالعته .. شكله
يهبل .. لشنو كاااشخ بزيادة بعد اليوم ..

سألته : شو
هالكشخه ؟؟ شو ؟؟ لا يكون راايح تخطب ولا شي ؟؟ وحنا ما نعرف ..

ضحك : ههههههههه
لا معي أجتماااع بالموظفين وبس .. ضيوف مهمين من الخارج بيحضرو ..

أماايه : متى
أجوفك بعرسك بالهكشخه ؟؟ انت متى بس بتعرس ؟؟ متى ؟؟

جاف علي بنظره ..
جنه يقولي شاااطرة .. وشحقه فتحتي الموضوع ؟؟ اشلوون بتسكت احينا ..

تلومت ونزلت
راااسي ونظرااتي للأرض .. ايه صح .. كل مني فتحت الموضوع جداام اماايه ..

مشاري : الله
يهدااج أمي .. بنفتح الموضوع مره ثانيه .. تو جم مره أنا أقول إني ما أفكر
بالزواااج موليه .. وبعدين لما أبي بعلمج انتي أول وحده ..

امي : يعني
شيماااء شو فيها أبا أعرف ؟؟؟

نقزت ورديت علطول
: لا مستحيل مشااري يرتبط بوحده مثلها ..

مشاري بنظره
خلتني اصخ عن الرمسه : ميس .. (وصوب كلامه لأمايه) .. امايه أنا ما أبي شيمااء
ماأبيها .. بنت خالي عالعين والرااس .. بس ماأبيها ..

امي : شو فيها ؟؟

مشااري: ما فيها
شي وألف من يتمناها .. بس ما أبيها .. عنبوه يعني الدنيا انخلت من البنات اماايه
؟؟ وبعدين أنا حااط عيني على وحده .. بس مب الحين .. بعدني ما مفكر أتزوج .. وبلا
وجع رااس .. تونا الصبح ..

امي : الله يوفقك
يما .. وتعرس وتقر عيني ..

مشاري : ان شااء
الله بس مب الحين .. بعدين اشويه .. زين يالغاليه ؟؟

امي تهز رااسها
.. زين بعد قدر يسكت الموضوووووع .. لانها بتفتح الموضوع بجديه بعد كالعادة .. يلا
بقوووووووم .. تو بيي البااااص ..

كليتلي ريوق وطلعت بعد ما ودعت أمي .. طلعت من
الباااب العووووود للحوي ..

ها يا البااااص ..
بااااص أبيض بس وسخ مثل ويه صاحبه .. ركبته
.. شيييت كنت بطيح .. كله من عيوووووون هالسااااااااااايق .. تف تف أعوذ بالله من
كل شر ..

أول ما دخلته .. السايق عطاني (كالعاااااااده)
.. نظرة من اللي تعود يعطينا اياهم .. أعيون جني .. نفسي بــيــوووووووم أقوله .. شو
تـــنـــاااظر .. انا بغيره هالـــبــااص ..

هالــــســاااااااااااايق
لـــــــــــــوووووووث .. اوف أكره هالنظرة .. رحت قعدت بكرسي منعزل .. وسلمت
عاللي جنبي .. ردت جنها صاحية من حلم .. ولا تحاول تحلم .. ولا شو بالضبط .. يعني
شكلها اليوم ناسية مخدتها .. اااااههه طوفت .. ما صحيت من أفكاري إلا عصوت وحدة من
رفيجاتي ..

روان : ها صباح
الورد ..

رديت عليها :
صباح الفل ..

روان : شحالج
أجوفج اشوية تعبانة ؟؟

قلتها بهدووووء :
لا انا تمااام ماكو فيني شي

روان : انزين
فرفشي اشوية .. تونا الصبح .. خلي عنج الهدووووء ميسوووووووه ..

رديت : هههه شنو
اسوي طبيعتي جذي ..

وراحت عني .. بصراحة
.. أعتبر روان وحدة من صديقاتي .. ما من
كثرهن .. صديقاتي ينعدن عالاصابع .. بس المقربات 1 بس

وأعتبر روان وحدة من البنات المسالمات اللي ما
يهتمو بالمظاهر .. جنه عندي عدو .. بس مادري لشنو يحبون يغايضوني ويكرهوني .. جني
انا ما عندي احساس .. تنهدت .. ها وصلنا للمدرسة

نزلت .. واتجهت
صوب طريج صفي .. اليوم الجو مغيم وحلووو .. غمضت أعيوني استنشق الهواء النقي .. محلى
الجو .. ان شاء الله تمطر علينا بشوية ماااي تسقي هالارض اليابسة

.. اااااااااااااااااه .. وجعععع .. اوبس ..

جفت على اعيونها
انتظر منها ردة فعلها .. تو بتحرج .. أصبحنا وأصبح الملك لله .. بداية حلوة لصباح
الله خير .. ااااه ..

فاجأتني بصراخها
: ما تجوفي ؟؟ عورة ؟؟

ليش الصراخ
اصددمت فيها بدون قصد : أسفة ما قصدت ..

كملت : أكيد دامج
بهالجسم .. أكيد بتصددمي بكل أحد .. ههههه

حسيت بخدودي
يحمرن .. طنشت كلامها وطوفتها .. مشيت بهدوووء ونا عارفه انها ما بتسكت .. لعياااااااان

ضحكت : روحي روحي .. مدري اشلون ريولج اتشيلج ؟؟ ههههههههه

قهرتني ضحكتها ..
بس طنشتها ..

طوفت وانا مليانة
هم وغم من سمعت كلامها السم .. ناقص أحد يجوفني بهالموقف .. تعودت اسمع هالكلام ..
أحلى بداية لأحلى صباااااااااااااااح .. يلا تنوكل ..

وصلت الصف .. سلمت
عالبنات .. ولويت عرفيجة صباااااي بحنااان .. كنت محتاجة لحضنها ..هيه الوحيدة
اللي أرتاح بجوفتها ..

حلا : بلاج جنج
ما جايفتني من دهر ؟؟

قلتها : ولا شي
.. مشتاقة احضنج

حلا وجنها
شكت : ميس .. احد قالج شي ؟؟

رديت عليها بنبرة
حزن : ماكو شي صار .. يلا نمشي للطابور

حلا : اوكي

الحلو بصداقتي
بحلا .. انه هيه صج تحبني لشخصيتي وحقيقتي .. وما تهتم للمظاهر .. رغم انا احنا
فمدرسة مليانة بنات معاشات اسرهم محدودة .. يعني ويووووووووووه قفر ورفضت إني
انتقل لمدرسة خاصة .. بس انا وياها ما نهتم لهالشي .. وانا وياها مختلفات بالشكل
..

اهيه رشيقة
وجميلة ما شاء الله عليها .. انا حلوة بس عقدتي اني .. (متينة) .. وهالشي مضيع على
جمالي .. ورغم جي أحسها اجمل عني بواايد .. بس احنا كثير متعلقات ببعض .. احينا
بكمل بصداقتي بحلا سبع سنين

وايد البنات
يضايجوني ويعقون نغزات على جسمي .. وهيه بعد يضايجونها لما يعرفو انها رفيجتي .. وهالشي
يخلينا نتعلق ببعض أكثر ..

صفينا للطابور
ولتحية العلم .. كنت ناسية الموقف اللي صارلي ومستانسة اني مع حلا ..

حلا : متى افتك من
هالمدرسة ؟؟

ميس : ما باقلنا
غير جم شهر .. ونخلص وجع راس ..

حلا : وندخل تخصص
مع بعض .. ما أتخيل ادرس بدونج

رديت : ونا بعد ..

حلا : خلينا
بالاول ننجح .. وبعدين اللي وراه

ودخلنا الصف .. يلا
بأمااااااااااان الله بخيلكم لنهاااااية اليووووم الدراااسي .. ما اعتقد تبوووون
بعد اتجووووفوووون وتسمعوووون شرح الدروووووووووووس؟؟ .. إذا تبوووون حيااااااااكم
الله ..

.. كنت سرحااانه
بالحصص .. بالي مشغول بشو صارلي ؟؟ هههه شكله هالحلم بيفر براااااسي ..

وحشتني
أبووووووووووي ..

صحيت من أفكاااري
عصووت الاستاااذه : ميس ؟؟

لفيت لها وقمت : نعم
استاااذه ؟؟

هزت راسها : انتبهي
.. ما بعيد مره ..

علبااااالي شي
جاااااااااايد .. طلع انتبهي : ان شاء الله .. اسفه استاااذه ..

...........................................................................................................................

حلا : ما بتردين
ويااااي ..

امممممم: لا ..

حلا : براااااحتج
.. مادري شلووون تحبي تركبيه هالبااااااااااص ؟؟ ..

ميس : أصلا بغيره
.. يلا البااااااص بيروووووووووح .. مع السلامه

حلا :
بااااااااااااااااااي

نزلت بكل تعب .. جني
يايه من سباااااااااق .. هو منو بالبيت ؟؟ .. شكله وحده من الجااراااات .. دخلت من
الباااب العوووووود ..

استقبلني أخوي
الكبير والوحيد .. ما عندي أحد غيره .. ويعتبر اقرب شخص لي فالبيت .. استقبلكم
اليووم الصباااح كاااشخ خخخ .. ورغم انه بعمر صغير (22 سنة) بس عقليته كبيرة ..

مشاري : هلا وغلا
.. منورة البيت ..

وباسني براسي

رديت : منورة
بنورك .. شحالك ؟؟ .. شلون الشغل ؟؟

مشاري بتعب :
تمااام والله .. الشركة تزيد الارباح ولله الحمد ..

ميس : الله يزيد
ويبارك ..

مشاري : خلصي يلا
تراني ميهووود ودي انااام .. يلا نترياج عالغدا

رديت وأنا اركب
الدري : تو .. تو .. بديو .. بييكم بعد اشوية ..

مشاري دوم يحاول
ينسيني معاناتي بالمدرسة .. يدري بهمي اللي يختلج بقلبي .. بس يحاول قدر الإمكان
انه ما يذكرني .. واللي يجوفني انا واخوي .. يقول أكيد ولد من ام ثانية .. لأنه
عكسي تماااما .. رشيق .. ومرة اخووي يهبل .. لكن أخوووي أنسان أجتمااعي جاااااااد بحيااااته .. ومو مفكر بالحب وبهالخراابيط .. يعني مب جنه عمره22 اللي يجوفه
يقوول مررره جنه بعمر 30 ..

رحت لداري .. خذيتلي
رشة ماااي ولبست ابسرعة وتييدت وصليت .. عقب ما خلصت نزلت ابسرعه .. ما فينا على
حشرة مشاري .. اسوأ وقت عشان يحرج فيه ..

دخلت غرفة الطعام
.. لقيت امي تخبص ويا البشكارات .. سلمت عليها وبست راسها ..

قعدنا ناكل الغدا
..

سألت امي : يما ..
؟؟ متى بيي أبوي ؟؟

ردت علي : مادري
.. يا الاسبوع الجاي .. يا اللي بعده .. واحتماال كبيرما يجي .. قال يعتمد عشغله
هناااك ..

بوزت ..

مشاري : يما ..
زين اليوم مسوية برياني .. كنت مشتهي ..

أمي : عيبكم ؟؟

رديت : ايه .. كثيير
..

ام ميس : تسلم
عيونكم

قلتلها : بس خلاص
.. ودي اتعلم أطبخ

مشاري : زين بعد
جان بتحركي يدج الدلوعة ..

أمايه : مشاري
بعدين ابيك اترووح تشتري سامان البيت وفواكه .. حريم الفريج بيتعشون عندي ..

مشاري : ان شاء
يالغالية ما طلبتي شي

أمي : بطرش معك
سيتي .. لاني اريد اشياء معينة .. وهيه تعرفهن ..

رد بسرعة : لاء ..
ما باخذها هذي .. قصوري بعد تركب هاذي وياي ..

امي : هههههه زين
ميس .. روحي انتي وياه

مشاري : ميس .. انا باخذها هذيك ؟؟ مستحيل .. بتصم اذني
.. وججع

رديت : انزين .. انزين
.. بيي

امي : دامج
بتروحين .. خلاص سيتي ما بتروح ..

تفاجأنا من صوتها
ورانا : انا اريد اروح

يا ربي .. مادري
من وين طلعت هذي السمجة .. كل شي بتحشر عمرها فيه .. حتى في نقاشنا .. وجع

امايه : لا خلاص
ميس بترووح ..

سيتي : ماما انا
كل يوم جول ريد رووح ..

مشاري : انا بخذ
ميس فيج صمم ؟؟ ما تسمعي ؟؟

امي : روحي خلاص
للمطبخ ..

ردت بلسان طويل :
ما على كيف انتي ..

مشاري بدا يحرج
.. : شو قلتي ؟؟ عيدي كلامج ..

مثل ما قلت .. اسوأ
وقت عساس يعصب فيه .. وقت ما يرجع من الدوااام .. واغياااااااب سيتي .. راحت فيها
..

صرخ عليها :
اعتذري .. دحين ..

امي : بس مشاري
.. ما قاصدة

مشاري : لا
لا لا .. بعد تمد لسانها عليج .. ونا
موجود .. هذا اللي ناااقص ..

وكمل يصرخ عليها
: قلت اعتذري

صخت من نظراته ..
بس ترا بياكلها ان ماتكلمت .. امبونه يفكر يسفرها على لسانها الطويل

سيتي : سوري ماما
.. انا مافي سوي مرة ثانية ..

مشاري : اياني
وياج اسمعج بس تفكي حلجج ونا موجود ولا لاء .. فاهمة ؟؟

سيتي تهز راسها

وبديت اتصيح ..
ياربي مشاري اشوية بالغ .. بس تراا يحرج بسرعة بهالوقت .. لأي سبب سخيف

امي : حرام عليك
مشاري .. بس زودتها

قمت من مكااني
وخذيت سيتي المطبخ ..

قلتلها : بس ترا
مشاري ما قاصد .. بعدين بيعتذر ..

ومديت لها منديل
: اندوج .. مسحي عيونج

عاااد خليتها مع
بقية البشكارات يسكتنها .. خبلة هذي .. مادري بشو معجبة بأخووي .. كل ما جافها
يحرها .. اونها عاااد معجبة فيه ..

رديت مكاني وقعدت
على كرسي

كملت أكلي بهدوء ..

مشاري : سكتت ؟؟

هزيت راسي : ايه

أمي : شبلاك .؟؟
حرجت عليها المسكينة ؟؟

مشاري : انتي ما
تدرين شو مسوية البارحة ؟؟

امايه : وشو سوت
؟؟

رد : بس ما لازم
.. انتي وحدج بتحرجي عليها .. بس خليها .. امبوني ساكت عنها

امي : ااااااه استغفر
الله العلي العظيم

سكتنا فتره .. بس
تفاجأنا مرررة ثاااااااانية بكلامه : بقولكم كلمه .. وماشي نقااااش فيها .. ولا
أبي أسمع حس اعتراااض ..

طالعنااه
والحيررره ممتلكه اعيونا .. صخينا ننتظر يرمس : ارمس ..

مشاري بتررد :
خااااااالي طلال بيرد البلاد ..

فجينا اعيونا ..
خالي طلال اللي سنين ما جفته بيرد .. لحظه لحظه .. ما قالولي انه ميت .. ولا ها
خاال ثااني .. ونا مدري ..؟؟

طالعت اماايه لما
طيحت الشوكه واللي بيدينها .. منصدمه عالأخر ..

سألت : خالي طلال
.. مو ميت ؟؟

هز راسه بلاء :
لا ء .. هاك خالي عبدالله الله يرحمه ..

مشاري يكمل :
وبيي يسكن اهنيه ..

حرجت أمايه
بسرررررررعه : مستحيل ..

طالعت أمي
مستغرربه من ردة فعلها ..

مشاري : أمايه ..
أنا قاايل كلمتي وقراري ماله رجعه ..

أمي : وحنا وين
يعني .. شو دورنا بهالبيت .. مالنا رااااي يعني .. أخوووي ما بيدخل هالبيت ..

مشاري : خلاص ..
أنا قااايل كلمتي للرياااااال ..

جفت السااالفه
بديت تكبر .. خالي طلال تقريبا ما جفته من يوووم ما عمري 6 سنوات .. يعني 11 سنه
ما جفته ولا سمعنا خبر عنه .. عايش حي ولا ميت ..

نقزت على صرخة
أمي : أنا ما محرمه انك تتوااصل معه ؟؟

صخ مشاري .. بس
بعدها اتكلم : أماايه .. ها أخوووووووووج ..

أمي مفووووووله
عالأخر : أخووووووووي ؟؟ .. أخوووووووووي .. الحين يطلع أخوووي ؟؟ الحين أخوووووي .. وينه أول وينه ؟؟ وينه يوووم
توفى أبووووي .. ما تذكر السااالفه .. ما تذكرها ؟؟

مشاري منزل
راااسه : أمايه .. مرت سنين عالساااالفه ..

كنت أطالعهم مثل
الهبله .. ما فااهمه شي بالسالفه .. شو السالفه اللي مرر عليها اسنين .. وليش
ماماتيه محرجه جي .. شو مسوي خالي طلال ؟ وليش محرمه نتواااصل معه ؟؟ .. كنت حااسه
انهم بيطولوها السااالفه ووجودي ماله فاااااايده .. فقمت أشل عمري شلال .. وخذيت
صحني للمطبخ ..

ركبت الدري ونا
أطااالعهم يتنااااااقشووون .. ورحت لحجرتي
اذاكر .. اتجهز للامتحانات .. وحاولت انسى المنااافشه اللي حضرتها ..

سكرت البااب ..
وفتحت الانارة .. لانه موقع غرفتي ما توصل له الشمس كفاية ..

خالي طلال أكبر
خوالي .. أكبر وااحد من عياااال يدتي .. هاللي أعرفه عنه بس .. وأمي عمرها ما طرت
اسمه ولا خبر عنه .. بيي يسكن اهنيه .. معنا .. نفسي اجوف ويهه .. شخص من
العااايله قطعنا أكثر من عشر سنوااات .. شكله الساالفه كبيره ولا ليش امااايه
محرررررررجه .. ؟؟

جفت صورة لابوووي
فووووق الرررف .. وحشتني أبوووي .. " ترا ابوي مسافر لايطاليا .. من ثلاث
سنوات .. يكمل خرابيط شغله .. ودورااات .. مادري .. بس بكل مرة .. تزيد مدة دوراته
" .. طالعت روحي بالمراااية .. متى اتخلص من هالجسم ... اوووووووووووووووف ..

ايييهيه خليني
أذاكر .. احسلي من هاي الخرابيط ..

خلصت شغل المدرسة
.. واسترجعت كامل الدروس للايام الماضية .. وبديت أذاكر كتاب .. كتاب كعادتي .. وذاكرت الدروس للحصص الجاية .. لين ما حسيت انه الكتب
اتعفنت بيديني ..

الحمد لله ذاكرت
.. طالعت الساعة .. ياربي .. قريب وبندخل وقت المغرب .. ويييييييييييييييييييييييييييييي

انا ما مصلية
العصر .. وشلون نسيتها .. المذاكرة شغلتني ..

دخلت الحمااام
علطول وتوضيت

فرشت السيادة
وصليت ..

عقب ما خلصت .. طويت
السيادة .. وظهرت من الحجرة .. ونزلت للحوي .. أغير جو .. قعدت بالكرااااسي .. والهواء
يضرب بويهي ..

اليوووووووووم
الجووو جناااااان بصراحة .. يكفي الهواء الباااااااااارد ..

يلا بيأذن قريب
.. احب أكون بهالوقت براااا .. اطالع وقت الأصيل .. الحين بتغيب الشمس .. لليلة
يديدة .. .. مسكت الكتاااب اللي قااعده
أقرأ فيه .. تلوعت .. كااافي كتب .. ما يكفي كتب المدرسه ..

هههههه أوني
مثقفه العااااايله .. الوحيده اللي تحب تقرأ ..

مدري على منو
طاااالعه .. رغم انه ميووولي علميه .. بس كثير أحب أقرأ بالأدب .. يلا ميس .. اتعفنا
من الكتب .. القراااء أحينا ما يفكروووووووون بالكتب والأدب شراااااتج .. وحليلج
.. خخخخ

طالعت المسبح .. أذكر
مرة وانا صغيرة .. خذيت صيصان الدياااي .. وجتطيتهن بالمااااي .. اوني اسبحهن .. هههههه
.. احلى طفولة .. طبعا .. لأنا سكنا مع قوووم عمي .. وحشتني مروووة الطفسة .. بتصل
فيها بعدين ..

ااااااه يأذن .. ما
قعدت كثيير .. يلا بدخل .. ما زين اقعد براا بهالوقت .. زين غيرت جو .. احس ركبي
يعورني من جلسة الكرسي ..

دخلت للصالة .. قابلت
أمايه .. بست راسها ..

امايه : ذاكرتي
؟؟

رديت : ايه

امي : الله يوفقج
..

رديت : امين

امي : اذن ؟؟؟

ميس : ايه ..توني
دخلت عقب ما اذن

امي : عيل خليني
اقوم اصلي

انا : يتقبل الله
..

امي : منا ومنكم
..

حسيت بأمااايه
هاااديه مب جنها كااانت محرجججه ومفووووله .. شكله مشاري قدر يهديها ويقنعها ..

قمت لداري .. وصليت
..

فتحت اشوية
اللابتوب .. اتسلى اشوية ومن بعدها برد اذاكر .. الله وأكبر على تسليتي .. مالي
حااجه فيه غير اني أكمل أقرأ روااايات ..

طالعت موبايلي .. وحشتني مروة .. بتصل اشوية
اسأل عنها .. من زماان ما أسمع حسها .. من الاسبووع الماضي .. احينا بتقولون .. الاسبوع
الماضي ؟؟ .. اشوية .. بس تراني كثير اشتاق لحبايبي المقربين
..

دقيت على رقمها
.. اوهو .. ما ترد .. ها تلفونها بلا فايدة .. كلما أتصل .. يا مشغول .. يا ما ترد
.. يا خارج الخدمة ..

بتصل عليها مرة
وحدة وبس .. ان ما ردت خلاص .. ابروحها تتصل فيني .. دقيت مرة ثانية .. ما ترد ..

ابي أكلمها
بيسافروون عقب يومين .. باجازة نص السنة وما عاد بقدر حتى أودعها غير بالمطااار
يمكن .. وحشني صوتها .. ما عليها .. خليها اهيه تتصل .. المشكلة انه بيتها اشوية
بعييد .. فما دايما نتجاوف .. خصوصا هاي السنه .. عساس أخر سنه النا في الثانوية
.. ويبالنا انشد حيلنا عشان النسب ..

[b